Fjalët e Urta, 7

Kapitulli ka 27 vargje, lexim të këndshëm.

Fjalët e Urta 7:1
Biri im, ruaji fjalët e mia dhe urdhërimet e mia në veten tënde,

Fjalët e Urta 7:2
Ruaji urdhërimet e mia dhe ke për të jetuar; ruaji mësimet e mia si bebja e syve të tu.

Fjalët e Urta 7:3
Lidhi ndër gishta, shkruaji mbi tabelën e zemrës sate.

Fjalët e Urta 7:4
Thuaji diturisë: "Ti je motra ime" dhe quaje "shok" gjykimin,

Fjalët e Urta 7:5
me qëllim që të të ruajnë nga gruaja e tjetrit nga gruaja e huaj që përdor fjalë lajkatare.

Fjalët e Urta 7:6
Nga dritarja e shtëpisë sime shikoja nëpër parmakët prej hekuri

Fjalët e Urta 7:7
dhe pashë midis budallenjve; dallova midis të rinjve një djalë të ri që s`kishte gjykim,

Fjalët e Urta 7:8
që kalonte nëpër rrugë pranë qoshes të gruas së huaj dhe drejtohej nga shtëpia e saj,

Fjalët e Urta 7:9
në muzg, kur po ngryste dita, ndërsa zbriste nata e zezë dhe e errët.

Fjalët e Urta 7:10
I doli para një grua e veshur si prostitutë dhe dinake;

Fjalët e Urta 7:11
ajo është turbulluese dhe provokuese, dhe nuk di t`i mbajë këmbët në shtëpinë e saj;

Fjalët e Urta 7:12
herë mbi rrugë, herë në sheshet qëndron në pritë në çdo qoshe.

Fjalët e Urta 7:13
Kështu e zuri dhe e puthi, pastaj me paturpësi tha:

Fjalët e Urta 7:14
"Duhet të bëja flijimet e falenderimit; pikërisht sot i plotësova zotimet e mia;

Fjalët e Urta 7:15
prandaj të dola para që të të kërkoj dhe të gjeta.

Fjalët e Urta 7:16
E zbukurova shtratin tim me një mbulesë si sixhade, me li të ngjyrosur nga Egjipti;

Fjalët e Urta 7:17
e parfumova shtratin tim me mirrë, me aloe dhe me kanellë.

Fjalët e Urta 7:18
Eja, të dehemi me dashuri deri në mëngjes, të kënaqemi në qejfe dashurie,

Fjalët e Urta 7:19
sepse burri im nuk është në shtëpi, por ka shkuar në një udhëtim të gjatë;

Fjalët e Urta 7:20
ka marrë me vete një thes të vogël me pare dhe do të kthehet në shtëpi vetëm kur të jetë hëna e plotë".

Fjalët e Urta 7:21
Ajo e mashtroi me fjalë bindëse, e tërhoqi me ëmbëlsinë e buzëve të saj.

Fjalët e Urta 7:22
Ai e ndoqi pa mëdyshje, si një ka që shkon në thertore, si një i lidhur në dënimin e budallait,

Fjalët e Urta 7:23
deri sa një shigjetë nuk i shpon mëlçinë; ai nxiton si një zog, pa ditur që një lak është ngritur kundër jetës së tij.

Fjalët e Urta 7:24
Prandaj, bij të mi, më dëgjoni, kushtojuni kujdes fjalëve të gojës sime.

Fjalët e Urta 7:25
Zemra jote të mos shkojë pas rrugëve të saj, mos devijo nëpër shtigjet e saj,

Fjalët e Urta 7:26
sepse ka rrëzuar shumë të plagosur për vdekje, dhe tërë ata që ajo ka vrarë ishin burra të fortë.

Fjalët e Urta 7:27
Shtëpia e saj është rruga e Sheolit që zbret në thellësitë e vdekjes.